പറക്കാനാകാശം
നൂലിഴയുടെ കുരുക്കുകൾ തീർത്തതെന്ന് 
പട്ടം

വാക്കുകളെ പേറാത്ത
മഴ പെയ്തിറങ്ങുന്നുണ്ട്
മനസ്സിൽ

കാത്തിരിപ്പ്‌
ചിന്തകളുടെ 
ചിതല്‍

മേഘങ്ങൾ
മലമുകളിൽ റോന്തുചുറ്റുന്നുണ്ട്
പ്രാവുകൾ കുറുകി

ഒരു ചോദ്യം

സ്വപ്നങ്ങളുടെ മുളഞ്ഞൊട്ടിയ മനസ്സിനെ

കോരിയെടുത്ത് ഉത്തരത്തില്‍ ഒട്ടിച്ചു 

തുറന്നിട്ട വാതിൽ
അകത്തു കയറിയ കാറ്റാണ്
ചിന്തകളെ പറത്തിയത്

അകമേ നിറഞ്ഞൊന്നിനെ
പുറമെ തിരഞ്ഞപ്പോഴാണ്
അകം ശൂന്യമായത്