ഓർമ്മയുടെ 
കരിയിലകൾ മൂടിയവയാണ് മടുപ്പിന്റെ
ഇടവഴികൾ

ആകാശം കോരിയെ- 
ടുത്തതാണെൻ സ്വപ്നങ്ങളെ
മഴവില്ലു തീർക്കാൻ

മൗനം
അർഥം പേറാത്ത വാക്കുകൾക്കൊ -
രൊളിയിടം

ഒട്ടുന്നില്ല
വിട്ടു പോരുന്നു ,ഇത്തിരി
പശ ചേർക്കണം മനസ്സിൽ

തിളങ്ങുന്ന നിലം
പ്രതിബിംബിച്ച ജനൽക്കാഴ്ചകൾ
വെയിലിന്റെ ശീതളിമ

പറക്കാനാകാശം
നൂലിഴയുടെ കുരുക്കുകൾ തീർത്തതെന്ന് 
പട്ടം

വാക്കുകളെ പേറാത്ത
മഴ പെയ്തിറങ്ങുന്നുണ്ട്
മനസ്സിൽ