Thursday, 11 December 2014

കവലകള്‍ക്ക്
വഴി പിരിയലുകളുടെ 
അമ്പരപ്പാണ്
ലൈക്ക് :

Wednesday, 12 November 2014

രാവില്‍ കൊഴിഞ്ഞ 
സ്വപ്നങ്ങളാണ് പൂക്കളായി 
രാജപാത തീര്‍ത്തത്
ലൈക്ക് :

Friday, 7 November 2014

മലയിറങ്ങിയ
കോടമഞ്ഞില്‍ പാട കെട്ടിയ
നിലാവ് 
ലൈക്ക് :

Thursday, 6 November 2014

കയ്യകലത്തിലെങ്കിലും
നമുക്കിടയില്‍ നക്ഷത്രദൂരമെന്നു
പൂവ് ശലഭത്തോട്
ലൈക്ക് :

Thursday, 30 October 2014

മടി പിടിച്ച മരങ്ങളെ
കിക്കിളി കൂട്ടി കടന്നു പോകുന്നു-
ണ്ടൊരു കുളിര്‍ക്കാറ്റ്
ലൈക്ക് :

Tuesday, 21 October 2014

പടര്‍ന്ന പച്ചപ്പില്‍
ഇല പൊഴിഞ്ഞൊരൊറ്റ മരം
ചിതലരിച്ച ചിന്തകള്‍
ലൈക്ക് :

Tuesday, 14 October 2014

മനസ്സിലിറങ്ങിയ മഞ്ഞിന്
ഓര്‍മ്മകളുടെ മരണത്തിന്റെ
തണുപ്പ് 
ലൈക്ക് :

Thursday, 9 October 2014

ഊതിയണച്ചീടാം,
ദീപനാളമെന്നാല്‍ അണയുകി-
ല്ലതിന്‍ വെളിച്ചമുള്ളില്‍
ലൈക്ക് :

Sunday, 5 October 2014

മുഖമിരുളുന്നുണ്ട്,
ഇടിനാദമൊന്നുള്ളില്‍ കുറുകുന്നുണ്ട്, എന്നിട്ടും
പെയ്യുന്നില്ലീ കണ്ണീര്‍മേഘങ്ങള്‍ 
ലൈക്ക് :

Wednesday, 27 August 2014

ചിറകു വിരിയാതെ 
കൊക്കൂണിനകത്തെ ശലഭം പോലൊരു 
സൗഹൃദം, മനസ്സിലൊരു വിങ്ങല്‍
ലൈക്ക് :

Thursday, 17 July 2014

നീലമേഘങ്ങള്‍,
മലമുകളില്‍ ഉറയൂരിയാണ്
വെണ്‍മേഘങ്ങളായത്
ലൈക്ക് :

Tuesday, 1 July 2014


മണമുള്ളൊരുമ്മയും
ഇതള്‍ വിടര്‍ന്ന ചിരിയുമായൊരു ചെമ്പകപ്പൂ
ജാലകത്തിനപ്പുറത്ത്
ലൈക്ക് :

Monday, 23 June 2014


വെയിലുദിച്ചെന്നിട്ടും,
കാറ്റില്‍, ലാസ്യനൃത്തമാടുന്നു,
മഴയൊന്നെന്നില്‍
ലൈക്ക് :

Friday, 13 June 2014


വാക്കുകളാണ്
രൂപം വരയ്ക്കുന്നത്,
കാഴ്ചയല്ല
ലൈക്ക് :

Tuesday, 10 June 2014


മൌനം കരുത്താണ്,
വാക്കുകള്‍ നിറയുമ്പോഴും
ഒഴിയുമ്പോഴും
ലൈക്ക് :

Saturday, 7 June 2014


മഴയുണ്ട് മുന്നില്‍,
ഉണര്‍വ്വിന്റെ ഊഷ്മളത-
യിലേയ്ക്കാണ് യാത്ര
ലൈക്ക് :

Tuesday, 27 May 2014


പറന്നിറങ്ങിയ
മിന്നാമിനുങ്ങുനക്ഷത്രങ്ങള്‍
അകമൊരാകാശം പോല്‍
ലൈക്ക് :

Thursday, 8 May 2014


രണ്ടു യാത്രകള്‍ക്കിടയിലെ
ഇടവേളയിലാണ് ഓര്‍മ്മകളുടെ
നിലാപ്പെയ്ത്ത്
ലൈക്ക് :

Friday, 2 May 2014


തിളയ്ക്കുന്ന വെയില്‍,
മണ്ണൂര്‍ന്ന വേരില്‍ വിറയ്ക്കും വയസ്സന്‍
മരത്തിനു കീഴിലും തണല്‍
ലൈക്ക് :

Sunday, 27 April 2014


കവര്‍ന്നെടുത്താലും
സുഗന്ധം സ്വഭാവമാവില്ലെന്ന്
പൂവ്, കാറ്റിനോട്
ലൈക്ക് :

Thursday, 24 April 2014


വരച്ചിട്ടവയല്ല,
വരയുകയാണ് പാതരേഖകള്‍,
വഴിവിളക്കുകള്‍
ലൈക്ക് :

Wednesday, 16 April 2014

മരീചികകള്‍
ഗ്രീഷ്മപ്പനിയില്‍ പൊള്ളുന്ന
പാതയറ്റങ്ങളില്‍
ലൈക്ക് :

Tuesday, 15 April 2014

കണിയൊരുക്കി, കണ്ടു
കണ്ണിലെല്ലാം, കണ്ടതി-
ല്ലെന്‍ മനസ്സിലൊന്നും
ലൈക്ക് :

Wednesday, 9 April 2014

തണുപ്പിക്കുന്നുണ്ട്,
മഴയോട് തെറ്റി വന്ന 
കുളിര്‍ക്കാറ്റ്
ലൈക്ക് :

Sunday, 6 April 2014

കാഴ്ചകളെ പിന്നിലാക്കി ഞാന്‍ ഓടുമ്പോള്‍ 
മേഘങ്ങളില്‍ ഒളിഞ്ഞും തെളിഞ്ഞും 
കൂടെയുണ്ട് ചെറുചിരികളുടെ നിലാവെട്ടം
ലൈക്ക് :

Thursday, 3 April 2014

ഊഞ്ഞാലാടുന്നുണ്ട്,
ഓര്‍മ്മപ്പൂമരത്തില്‍ ഒരു 
മാമ്പഴക്കാലം
ലൈക്ക് :

Tuesday, 1 April 2014

വേനലിന്റെ മധുരമൂറ്റി
വസന്തമാക്കുന്നുണ്ട് 
ഈന്തപ്പനക്കാടുകള്‍
ലൈക്ക് :

Thursday, 27 March 2014

ഒരു നല്ല മഴയിലാണ്
പ്രകൃതിയും മനസ്സും 
വെളുത്തുപോവുന്നത്
ലൈക്ക് :

Monday, 24 March 2014

സൌഹൃദങ്ങള്‍ അപ്പൂപ്പന്‍ താടികളാണ്
വേരുകള്‍ വേണ്ടാത്ത
സ്നേഹത്തിന്റെ വിത്ത് ചുമക്കുന്നവ
ലൈക്ക് :

Saturday, 22 March 2014

അടച്ചു വച്ച ഫ്ലാസ്കിലെ, 
ചായയുടെ അമര്‍ഷം 
രുചി കെട്ട സ്വാദ്...
ലൈക്ക് :

Friday, 21 March 2014

പടിഞ്ഞാറേ ഉമ്മറത്തിണ്ണയില്‍ 
നടന്നു കയറിയ നിഴല്‍ 
പഴമനസ്സിലെ ഘടികാരം
ലൈക്ക് :

Thursday, 20 March 2014

തുറന്നിട്ട വാതിലിനപ്പുറം , 
പറന്നുയരാന്‍ ഒരു ആകാശം 
എന്നിട്ടും എനിക്കൊരു നിഷ്കാസിതയുടെ മനസ്സ്
ലൈക്ക് :

Tuesday, 18 March 2014

മേഘമായ് പാറാം, കാറ്റില്‍ 
ഊയലാടാം, ഒന്ന്
മഴയായ് പെയ്യലാണ് കഠിനം
ലൈക്ക് :

Saturday, 15 March 2014

മോഹിച്ചു ഗര്‍ഭം ധരിച്ച
ഏകാന്തതയില്‍
അസ്വസ്ഥതയുടെ നിലവിളിക്കൂട്ടങ്ങള്‍ 
ലൈക്ക് :

Thursday, 13 March 2014

യാത്രയെന്നും മുന്നോട്ട്,
കണ്ടതെല്ലാം പിന്നോട്ട്,
വഴിയില്‍ കൊഴിയുന്ന സമയം
ലൈക്ക് :

Wednesday, 12 March 2014

മനസ്സ് ദാഹം തീര്‍ത്തത് 
മരീചികയില്‍
നിറവില്ലാത്ത വാക്കുകള്‍
ലൈക്ക് :

Friday, 7 March 2014

ഇന്ന്, മേഘങ്ങള്‍ മഞ്ഞായി തൊട്ടത്‌ 
മനസ്സിലാണ് 
അലിഞ്ഞു പോയത് വരച്ച രൂപങ്ങളും
ലൈക്ക് :

Thursday, 6 March 2014

മേഘങ്ങളില്‍ ഭാവം പകര്‍ന്നത് ഞാനാണ്,
ക്ഷണികം സുന്ദരം 
എന്നിട്ടുമെന്തേ അതെന്റെ സത്യമെന്ന് നീ ?!!!!
ലൈക്ക് :

Wednesday, 5 March 2014



പുല്‍നാമ്പിലെ മഴത്തുള്ളി,
മായക്കണ്ണാടി
തെളിയുന്ന കൈരേഖകള്‍
ലൈക്ക് :

Saturday, 22 February 2014

മഞ്ഞില്‍ ദിക്ക് തെറ്റിയ കാറ്റില്‍
ചേര്‍ത്തു വച്ച മുഖത്താകെ 
തണുപ്പിന്റെ സൂചി മുറിവുകള്‍


ലൈക്ക് :

Friday, 14 February 2014

ഇന്നലെ ...
കടല്‍ അരികിലെത്തിയ
അമ്പിളി വട്ടത്തിനായി
കൈനീട്ടി കരഞ്ഞ കുഞ്ഞ്


ലൈക്ക് :
കടലിന്റെ മാറില്‍ പതഞ്ഞ്,
പനത്തലപ്പില്‍ ആഞ്ഞുലഞ്ഞ്,
ആര്‍ത്തലച്ചു പായുന്നുണ്ട്‌ പേക്കാറ്റ്
ലൈക്ക് :

Tuesday, 4 February 2014

രാത്രിയില്‍ കടല്‍ കരഞ്ഞത്,
ഇരുളുന്ന ഓരോ മൌനത്തിലും 
ഒരു കടലിരമ്പുന്നുണ്ടെന്നാണ്


ലൈക്ക് :
സ്വപ്നം,
 വരണ്ട മണ്ണിലെ നനവ്‌,
 ഇരുണ്ട മനസ്സിലെ 
 വെളിച്ചത്തിന്റെ ഒരു കീറ്


ലൈക്ക് :

Monday, 3 February 2014

മഴ,
ജനാല ചില്ലിലെ വരകള്‍ ,
നിവര്‍ത്തിയ കുടയിലെ താളം,
എന്റെ മനസ്സിലെ നിറവ്


ലൈക്ക് :
മേഘം നിറഞ്ഞ മാനം,
കറുത്ത കടല്‍,
ക്ഷുഭിത മനസ്സ്


ലൈക്ക് :

Thursday, 30 January 2014

എണ്ണയില്‍ ചാഞ്ഞ തിരി,
ഇരുളടഞ്ഞ്,
കെട്ടുപോയ സ്വപ്‌നങ്ങള്‍



ലൈക്ക് :

Saturday, 25 January 2014

മാനത്തു പാറുന്ന വെണ്‍മേഘത്തുണ്ട് 
എന്റെ മനമിന്നു 
ചിന്ത തന്‍ തടവറയിലെ കീറത്തുണ്ട്

ലൈക്ക് :

Tuesday, 21 January 2014

മഴയൊഴിഞ്ഞ മാനത്തൊരു 
പെയ്യാന്‍ മറന്ന മേഘം 
ഉള്ളിലൊരു സങ്കടക്കടല്‍



ലൈക്ക് :

Thursday, 16 January 2014

മഞ്ഞില്‍ മഴവില്ലാകും കിരണം പോലെ 
മഞ്ഞപ്പട്ടില്‍ മതിമറന്നലിയുന്ന വെണ്ണ പോലെ
മദിക്കുന്ന പ്രണയമായ് ഒഴുകുന്നു നീയെന്നില്‍



ലൈക്ക് :